«jadidlar va behbudiy merosini o‘rganishdagi yangi yondashuvlar»

Bugun, 21-yanvar kuni Kasaba uyushmalari saroyida Mahmudxo‘ja Behbudiyning tavalludining 150 yilligiga bag‘ishlangan «Jadidlar va Behbudiy merosini o‘rganishdagi yangi yondashuvlar» xalqaro konferensiyasi bo‘lib o‘tdi. Konferensiyani O‘zbekiston Respublikasi Oliy ta’lim, fan va innovatsiyalar vazirligi, O‘zbekiston jurnalistika va ommaviy kommunikatsiyalar universiteti, Vazirlar Mahkamasi huzuridagi Qatag‘on qurbonlari xotirasi muzeyi, «Jadid» gazetasi, O‘zbekiston Milliy media birlashmasi va Kasaba uyushmalari federatsiyasi tashkil etdi. Tadbirning asosiy maqsadi – jadidlar merosini o‘rganish va ommaviy kommunikatsiyalar sohasida tadqiqotlarni rivojlantirishdir. Konferensiya o‘tkazilgan joyning tarixiy ahamiyatiga alohida e’tibor qaratish lozim, aynan shu yerda 1914-yilda Behbudiyning «Padarkush» dramasi sahnalashtirilgan. Uning ozodlik, taraqqiyot va milliy g‘ururga oid g‘oyalari hali ham jamiyatni ilhomlantirib, kelajak avlodlar uchun namuna bo‘lib xizmat qilmoqda.

Nashr qilingan sana: Yan 21, 2025