Prezident ilhom aliyevni hayajonga solgan savol!

Global Media Forum o‘z faoliyatini davom ettirmoqda. O‘zbekiston Milliy media birlashmasi raisi Sherzodxon Qudratxo‘ja Forumning ochilish marosimida Ozarbayjon Prezidenti Ilhom Aliyevga savol bilan murojaat qildi. Davlat rahbari ushbu savolga atroflicha va samimiy javob berdi. “Har bir tosh, har bir tog‘ zikr aytayotgandek, har bir daraxt shukur deyayotgandek”, — deya ta’kidladi Sherzodxon Qudratxo‘ja. Mazkur fikr Ozarbayjon Prezidentida kuchli ruhiy taassurot uyg‘otdi. Forum davomida Prezident Ilhom Aliyev ushbu savolga qayta murojaat qilib, yurakdan, hayajon bilan toʻliqroq javob berdi. Jumladan, u otasi Haydar Aliyev xotirasi, Qorabog‘ hududining ozod etilishi yo‘lidagi mashaqqatli kurashlar haqida fikr bildirdi. “Hech qachon taslim bo‘lmaslik kerak. Adolatga ishonish va unga har doim intilish zarur”, — dedi Ilhom Aliyev.

Nashr qilingan sana: Iyl 20, 2025