O‘zbekiston milliy media birlashmasi “waves 2025” sammitida

O‘zbekiston Milliy media birlashmasi Boshqaruvi raisi Sherzodxon Qudratxo‘ja boshchiligidagi delegatsiya Hindistonning Mumbay shahrida o‘tayotgan “WAVES 2025 — Butunjahon audiovizual va ko‘ngilochar sammit”da ishtirok etmoqda. Sammit 2025-yil 1–4-may kunlari Mumbaydagi “Jio Convention Center” markazida bo‘lib o‘tmoqda. Unda 150 dan ortiq mamlakatlardan media vakillari, yirik platformalar, jumladan Hollywood, Bollywood, YouTube, Amazon vakillari qatnashmoqda. Tadbirni Hindiston Bosh vaziri Narendra Modi ochib berdi. U o‘z nutqida kreativ iqtisodiyot — “Orange Economy” g‘oyasini alohida ta’kidladi. Sammitda media sohasida sun’iy intellekt, texnologik innovatsiyalar, yosh ijodkorlarni qo‘llab-quvvatlash, xalqaro hamkorlik va madaniy almashinuv asosiy yo‘nalishlar sifatida ko‘tarilmoqda.

Nashr qilingan sana: May 01, 2025