“Media Camp”

Yozgi media lager “Media Camp” — xalqaro media hamkorlar bilan hamkorlikda tashkil etiladigan, bo‘lajak jurnalistlar, talaba-yoshlar va yosh media ixlosmandlari uchun mo‘ljallangan o‘quv-amaliy maydon hisoblanadi. Loyihaning asosiy maqsadi — ishtirokchilarda zamonaviy jurnalistik ko‘nikmalarni shakllantirish, raqamli texnologiyalar, media ishlab chiqarish, hikoya tuzish, axborot manbalari bilan ishlash va vizual kontent yaratish borasidagi bilimlarini chuqurlashtirishdir. Lager dasturiga malakali jurnalistlar, muharrirlar va xalqaro media ekspertlari rahbarligida o‘tkaziladigan treninglar, mahorat darslari, ijodiy laboratoriyalar, rolli o‘yinlar va loyihaviy mashg‘ulotlar kiradi. Dastur jamoada ishlash, tanqidiy fikrlash, mediama’rifat, axloqiy tamoyillar va yangicha axborot formatlari asosida quriladi. “Media Camp” — bu ijodiy fikr almashinuvi, hamkorlik va ishtirokchilarning kelajakdagi kasbiy faoliyatiga puxta tayyorgarlik uchun muhim imkoniyatdir.