“Renessans” milliy mukofoti - 2025

2025-yilning 10-dekabr sanasida O‘zbekiston milliy media birlashmasi tomonidan an’anaviy "Renessans" milliy mukofoti taqdirlash marosimi o‘tkazildi. Ushbu milliy mukofotini o‘tkazishdan asosiy maqsad — O‘zbekiston Milliy media birlashmasiga a’zo bo‘lgan ommaviy axborot vositalarida faoliyat yuritayotgan, xalq mehrini qozongan ijodiy jamoalar, hamda loyihalarni e’tirof etishdan iborat. "Renessans" milliy mukofoti uchun nomzodlar ikki bosqichda saralab olindi. Birinchi bosqichda: ijodiy jamoalar mustaqil ekspertlar tomonidan baholandilar. Ikkinchi bosqichda: eng yuqori ball to‘plagan ijodiy jamoalar va loyihalar xalq ovoziga qo‘yildi. 2025-yilning 10-dekabr sanasida g‘oliblar nomi oshkor etildi. Jumladan: 1. “Yilning eng yaxshi tongi dasturi” nominatsiyasi uchun “Sevimli kun” dasturi, Sevimli telekanali taqdirlandi! 2. “Yilning eng yaxshi madaniy ma’rifiy radio dasturi” nominatsiyasi bilan «Buyuk Allomalar», Oriat Dono radiokanali taqdirlandi. 3. “Yilning eng yaxshi madaniy ma’rifiy teledasturi” nominatsiyasi bilan Sevimli telekanali “Eslab-eslab” ko‘rsatuvi taqdirlandi. 4. “Yilning eng yaxshi radio axborot dasturi” nominatsiyasi bo‘yicha “Yangiliklar” dasturi, “O‘zbegim taronasi” radiokanali taqdirlandi. 5. Yilning eng yaxshi axborot teledasturi” nominatsiyasi bilan “Zamon” teledasturi, Sevimli telekanali taqdirlandi. 6. “Yilning eng yaxshi ijtimoiy siyosiy teledasturi” nominatsiyasi bilan “Yashil suhbat” teledasturi, “Uzreport” telekanali taqdirlandi. 7. “Yilning eng yaxshi teleseriali” nominatsiyasi uchun “Qirmizi xonadon” teleseriali, “Mening Yurtim 5 “ telekanali munosib deb topildi. 8. “Yilning eng yaxshi bolalar teledasturi” nominatsiyasi bilan “Mitti qandolatchi” teledasturi, “Mening Yurtim 5” telekanali taqdirlandi. 9. “Yilning eng yaxshi teledebyuti” nominatsiyasi bilan ”Zo‘r Tv” telekanali, “Kim millioner bo‘lmoqchi?” ko‘rsatuvi taqdirlandi. 10. “Yilning eng yaxshi hududiy telekanali” nominatsiyasi uchun “Ruxsor TV” telekanali g‘olib deb topildi. 11. “Yilning eng yaxshi hududiy radiokanali” nominatsiyasi bilan “S-Iqbol” taqdirlandi. 12. “Yilning eng yaxshi markaziy radiokanali” nominatsiyasi bilan “Avtoradio” taqdirlandi. 13. “Yilning eng yaxshi markaziy telekanali” nominatsiyasi bilan “Zo‘r TV” telekanali taqdirlandi. 14. “Jurnalistika afsonasi” nominatsiyasi uchun Muhammadjon Obidov munosib deb topildi. Shuningdek milliy mukofotda maxsus nominatsiyalar yo‘nalishi ham joriy etildi: 1. “Yilning eng yaxshi hududiy ijtimoiy-siyosiy teledasturi” nominatsiyasi uchun Istiqlol TV, “Adashganlar”dasturi munosib deb topildi. 2. “Yilning eng yaxshi hududiy madaniy-ma’rifiy teledasturi” nominatsiyasi uchun “Dilkash lahzalar”, Muloqot TV telekanali taqdirlandi. 3. “Yilning eng yaxshi hududiy tongi dasturi” nominatsiyasi uchun “Aziz kun” dasturi, 8TV telekanali munosib deb topildi. 4. “Yilning eng yaxshi hududiy teleseriali” nominatsiyasi uchun “Zalolat Girdobi”, Taraqqiyot TV telekanali taqdirlandi. 5. “Yilning eng yaxshi hududiy teledebyuti” nominatsiyasi bilan “Hayot saboqlari”, Olmaliq TV telekanali taqdirlandi. 6. “Yilning eng yaxshi hududiy axborot teledasturi” nominatsiyasi bilan Ishonch TV, “Zamin online” teledasturi taqdirlandi. 7. “Yilning eng yaxshi internet nashri” nominatsiyasi uchun Repost.uz internet nashri munosib deb topildi. 8. “Ijtimoiy tarmoqlarda eng faol matbuot xizmati” nominatsiyasi bilan Avtomobil yo‘llari qo‘mitasi matbuot xizmati taqdirlandi. 9. “Yilning eng yaxshi tadbiri” nominatsiyasi bilan “Greenleaf” taqdirlandi. 10. “Yilning eng yaxshi hududiy bolalar teledasturi” nominatsiyasi bo‘yicha “Juldizsha”, “Jaslar TV” telekanali taqdirlandi. 11. "Avtoradio" jamoasi Haydar Aliyev nomidagi Ozarbayjon madaniyat markazi tomonidan "Ozarbayjon madaniyatini targ‘ib etishdagi samarali media hamkorligi uchun" pul mukofoti va boshqa qimmatbaho sovg‘alar bilan taqdirlandi. 12. "Gender tenglik mavzusini yoritishga qo‘shgan salmoqli hissasi uchun" BMT aholishunoslik jamg‘armasining O‘zbekistondagi vakolatxonasi - "To‘rtko‘l Tv" telekanali jamoasini maxsus nominatsiya doirasida qimmatbaho sovg‘alar bilan taqdirladi. 13. Shanxay hamkorlik tashkilotining O‘zbekistondagi xalq diplomatiyasi markazi - "Xalqlar do‘stligi va madaniy diplomatiyani yoritishdagi hissasi uchun "Amudaryo Tv" va "Ellikqal’a Tv" telekanallarini "Xalq diplomati ko‘krak nishoni" bilan taqdirladi. 14. Xitoy Xalq Respublikasining O‘zbekistondagi Elchixonasi — “Xitoy rivojlanishi bo‘yicha eng yaxshi kontent” uchun Jizzax TV telekanali jamoasini Xitoy davlatiga safar yo‘llanmasi bilan taqdirladi.